Godt driftsresultat og stabil aktivitet, men bokføring av resterande del av
allereie vurderte og publiserte tapsføringar dreg ned resultat før skatt. 

Resultat
Banken sitt resultat før tap og skatt er på 10,6 millionar kroner ved
kvartalsskiftet. Det er ein resultatnedgang på 5,9 millionar kroner samanlikna
med 2024. Dette er i hovudsak knytt til reduserte renteinntekter frå bankens
utlånsportefølje på eige bok, som har hatt ein negativ 12 månaders vekst på 15
prosent. Ein stor del av reduksjonen er i BM-portefølja.

Som vist til i børsmelding først av 15. november 2024 og vidare av 14. februar
2025 har det i samband med den pågående fusjonsprosessen vore vurdert alle
bankens største bedriftsengasjement og i reforhandlinga av bytteforholdet har
ytterlegare risikopunkter i utlånsporteføljen vore diskutert. Det vart krav om
at usikkerhet i vurderinga skal takast omsyn til i prosessen. 

Då banken la fram årsresultatet for 2024 vart det i årsmeldinga informert om at
det føreligg usikkerheit som kan påverke bytteforholdet i fusjonsprosessen.
Banken estimerte eit ytterlegare tap på 35 millionar kroner, som var vurdert å
vera ei hending etter balansedag, og som er bokført i første kvartal 2025.

Dette gjev eit negativt resultat av ordinær drift etter skatt på 23,8 millionar
kroner, som gjev ein negativ eigenkapitalavkastning på 18,2 prosent. 

Innskot
Innskota er stabile og banken har god likviditet. Ved utgangen av 1. kvartal
2025 er innskotsdekninga på 91,2 % (53,3% inkl. utlån via EBK). 

Soliditet
Banken ligg over myndighetskravene for soliditet, tross store tapsavsetningar,
med ein konsolidert rein kjernekapitaldekning på 16,95 % vs. eit krav på 15,9%.
Banken oppfyller gjeldande lovkrav, men er under bankens styringsbuffer. Basert
på kapitalprognoser ved berekning av effekter ved innføring av CRR og styrt
utlånsvekst forventer banken å vera innafor styringsbufferen igjen i løpet av
2025. 

Likviditet
Banken har god likviditet og har plassert likviditetsreservar i bank- og
obligasjonsmarknaden. Banken sin LCR er 1.058 ved kvartalsskiftet, som viser god
likviditet.  

Fusjonen med Haugesund Sparebank
4. mars 2025 vedtok styra i Tysnes Sparebank og Haugesund Sparebank ein ny og
justert plan for sammenslåing av bankene (fusjonsplan). Samanslåinga av Tysnes
Sparebank og Haugesund Sparebank er vedtatt av forstandarskapet i Tysnes
Sparebank og generalforsamlinga i Haugesund Sparebank den 10. april 2025.
Partane forventar at gjennomføring av samanslåinga skjer 1. september 2025 og me
har tru på at dette vil forsterka banken og posisjonen i den lokale marknaden
vår. 

Utsikter framover
Tysnes Sparebank har vore gjennom krevjande siste halvår 2024 og første kvartal
2025, og har gjort større avsetjingar for framtidige potensielle tap samt
konstatering av tap. Den underliggjande bankdrifta er fortsatt god. I tida
framover vil hovudfokus vera å oppretthalda ei god drift og ha oppfølging på
kredittveksten for å sikra soliditet og likviditet. 

Me set kursen retta mot samanslåing med Haugesund Sparebank og gode utsikter til
eit utviklande samarbeid med ein solid grunnmur, ei trygg hamn og fortsatt drift
av lokalbanken i ei ny utgåve, men like tilgjengeleg, engasjert og
verdiskapande.

Dersom det er spørsmål til børsmeldinga eller kvartalsrapporten ta kontakt med 
o	Konstituert banksjef Wenche Vik Thorson, telefon 971 06 247
(wth@tysnes-sparebank.no) 
o	Økonomisjef Karoline Dalen, telefon 975 48 996 (kda@tysnes-sparebank.no) 
o	Styreleiar Bente Raknes, telefon 452 52 954 


Tysnes, 14. mai 2025 
Wenche Vik Thorson Konstituert Banksjef